319
ka roemah ketjil. Satoe lampoe ada menjala dalem kamarnja Clotilde, jang sedeng berpikir. Baroesan ia kasi tidoer ia poenja Emma.
Pintoe diikotok dan diboeka.
Henriette masoek dalem itoe kamar.
Clotilde menanja dalem hatinja, apa artinja ini perkoendjoengan di waktoe malem.
„Kaoe barangkali hendak menanja, apa akoe aken tinggal lebih lama di sini,“ katanja itoe iboe jang bertjilaka. „Kaoe soeda berlakoe begitoe moerah hati padakoe, njonja, hingga akoe saoemoer hidoep aken bertrima kasi padamoe.“
„Och, boekan perkara itoe.“ djawab Henriette dengen tjepat, „itoe tjoema perkara ketjil. Akoe hendak bitjaraken perkara lebih penting. Kaoe taoe pengidoepankoe, kaoe taoe, bagimana tjilaka adanja akoe. Akoe tida bisa idoep bersama soeamikoe lebih lama lagi. Akoe moesti pergi dari sini.“
„Betoel satoe perkara sedih sekali,“ kata Clotilde dengen merasa kesian, „betoel memang ada tjilaka sekali boeat teriket selama lamanja sama satoe soeami, jang orang tida tjinta.“
„Sasoenggoehnja, dan tambahan lagi itoe soeami orang pandang hina. Tapi poetoesankoe soeda tetap. Akoe pergi dari sini.“
„Kaoe baran kalim ia poenja kenalan kenalar, jang bisa trima pada kaoe?“
„Tida ada saorang ketjoeali... Rogers“.
„Dan akoe taoe ia soeda menoeloeng pada kaoe. Ia ada mempoenjai sifat baek, sifat jang moelia.“
„Akoe tjoema mempoenjai dia saorang sadja dan kerna itoe akoe hendak poenjain dia sendirian.“
Kamoedian dengen soeara bernapsoe ia teroesken
