322
poeloet kaoe maoe tangkep itoe boeroeng ? Soenggoe kaoe ada lebih tjerdik dari akoe. Akoe terlaloe djoedjoer, kaoe tjerdik seperti oeler.“
„Katjerdikan, jang djadi sendjatanja orang djahat akoe tida kenal, njonja, akoe pandang hina pada katjerdikan; akoe bilang apa jang akoe pikir.“
„Soeda tjoekoep!“ kata Henriette, „lagi sedikit perkataan apa kaoe aken lepas tangan atawa tida dan Rogers? Ja ?“. . . . . .
„Akoe poenja pikiran melarang akoe boeat serahken ia pada saorang jang aken bikin ia djadi tjilaka.“
„Baeklah. Perkara soeda diatoer dan sekarang akoe taoe, bagimana akoe moesti berlakoe. Dan dari sebab salah satoe dari doea moesti lepas tangan dari dia, baeklah akoe nanti bikin begitoe. Akoe serahken ia pada kaoe. Tapi, boeat gantinja itoe kaoe toch tentoe mane toeloeng padakoe ?“ kata Henriette dengen tjerdik. „Kaoe mengarti, sekarang moesti dioeroes perkara bikin baek poela akoe sama Lincoln. Nah, kaoe ada mempoenjal kalemasan dan kesabaran, jang akoe tida ada poenja. Apa kaoe maoe pergi pada soeamikoe dan toeloeng bitjara baek perkara akoe ?“
„Kaloe dengen itoe akoe bisa menoeloeng padamoe akoe soeka sekali,“ djawab Clotilde, akoe nanti tjoba bitjara dan bikin lemas hatinja kaoe poenja soeami.“
„Akoe sekarang tida brani lagi indjek itoe roemah begitoe takoet adanja akoe boeat itoe orang. Barang kali kaoe aken bisa bikin ia dapet perasaan perasaan lebih baek, apa kaoe maoe? Akoe nanti toenggoe di sini.“
Matanja Henriette imenjala loear biasa.
Satoe soeara di dalem hati kasi inget pada Clotilde.
„Djangan pertjaja padanja, ia djoesta, djangan pergi
