328
XXXVII.
PENGOESOETAN.
Fox ada saorang tjerdik.
Ia telah atoer ia poenja penjelidikan dengen sebrapa bisa tjerdik. Tatkala hari soeda malem ia sampe di roemanja Lincoln.
Sasoeda kasi liat ia poenja barang barang pada Lincoln, ia minta dan dapet satoe kamar dalem roemah ketjil.
Ia tjoba denger sia sia boeat dapet denger apa itoe prempoean sama koedoeng biroe ada di sitoe. Lincoln tjoema tjeritaken, bahoea Clotilde soeda bebrapa hari tinggal di sitoe.
Sebab Fox tida miace menarik pikirannja orang orang di sitoe, maka ia sigra pergi ka kamarnja, pasang lampoenja dan tida brapa meniet kemoedian pademken poela itoe lampoe, soepaja orang kira, ia soeda tidoer.
Kemoedian ia doedoek deket, djendela, soepaja bisa lantas taoe kaloe ada apa apa.
Ia liat, Henriette pergi pada Clotilde, kemoedian ia liat Henriette pergi diikoet oleh Clotilde, tapi ia tida liat tanda tanda dari Vieuxtemps atawa dari itoe premoean jang pake koedoeng.
Ia dapet taoe djoega, Clotilde bersama anaknja soeda pergi dan ambil djalan besar. Soeda itoe, semoea soeda sepi.
Poekoel sepoeloe ia pasang koepingnja lebih teliti. la denger, satoe pintoe diboeka.
Dengen hati hati ia madjoe lebih deket ka djendela.
Tapi di loear ada begitoe gelap, hingga ia tida bisa liat ada apa terdjadi.
