340
prempoean djahat. Djangan takoet. Kaoe tinggal sama iboe selama lamanja.“
„Dimana adanja oom Rogers ?“
„Anak, ia tida bisa lagi tjampoer oeroesan kita.“
„Mari kita pergi padanja, iboe.“
„Akoe tida taoe, dimana ia ada. Benar, ia aken bisa djadi ajah jang baek boeat kaoe, tapi itoelah ada satoe perkara jang tida bisa djadi,“ kata Clotilde, sedeng aer matanja djatoh.
„Marilah kita pergi pada oom Rogers, iboe, akoe nanti minta ia toeroet sama kita.“
„Ja, kita orang sanget soeka sama dia, tapi kita tida bisa tinggal teroes sama dia.“
„Kenapa tida, kaloe kita begitoe sajang sama dia?“
„Djoestroe kerna itoe kita djangan kombali padanja. la aken djadi lebih beroentoeng, kaloe tida ada kita.“
„Apa kita djalan lagi djaoe ?“
„Sampe kita dapet satoe roemah, di sitoe kita bisa mengaso.“
„Apa masih djaoe ?“
„Kaloe kaoe tjape, akoe nanti gendong.“
„Tida iboe, akoe sekarang soeda besar dan terlaloe berat. Dan akoe djoega bisa djalan koeat. Tjoema sadja akoe sekarang ngantoek betoel. Apa kita tida bisa tidoer sabentar di roempoet ?“
„Roempoet terlaloe basah, tapi boleh, djadi lagi sedikit djaoean kita bisa dapet tempat jang kering.“
Itoe anak djalan teroes dengen pegang tangan iboenja. Mendadak marika rasa seperti ada saorang mengedjar marika.
„Apa kaoe ada denger, iboe ?“ kata Emma dengen kaget.
„Brangkali itoe ada saorang pelantjongan jang kesa-
