341
sar,“ pikirnja Clotilde.
Soeara tindakan mendatengin lebih deket.
Bajangannja saorang lelaki kliatan.
„Clotilde !“ katanja satoe soeara di deketnja itoe iboe, jang djadi mendjerit lantaran takoet. Dengkoelnja goemetar.
la hendak gendong anaknja dan bawa lari tapi itoe orang laki soeda ada di sampingnja.
Clotilde djadi diam lantaran kaget.
„Ini kali akoe tida lepas,“ kata itoe orang laki sambil pegang tangannja Clotilde. „Akoe tjari kaoe terlaloe lama,“
Itoe orang laki adalah ia poenja soeami.
Moekanja poetjet, djenggot dan ramboetnja koesoet, kliatannja seperti satoe pengemis.
„Kaoe poenja treakan pertjoema sadja,“ katanja dengen soeara aseran,„tida satoe orang bisa denger. Di deket sini tida ada satoe roomah. Denger! Lagi sekali akoe kasi kaoe pilih antara melarat dan kaja. Sama akoe kaoe aken djadi kaja, tida sama akoe, kaoe aken adjar kenal sama kamiskinan dan kasengsaraan. Kaoe taoe akoe ada poenja oewang, banjak oewang. Semoea aken boeat kaoe, kaloe kaoe naoe ikoet sama akoe. Besok sore kita aken pergi, tida satoe orang aken denger lagi tentang kita dan kita nanti beroentoeng seperti sepasang boeroeng merpati.“
Clotilde pegang tangan anaknja lebih keras dan berpaling dari itoe orang laki, boeat siapa ia tida merasa laen dari djidji dan takoet.
„Kasi akoe pergi,“ katanja.„Lebih baek mati dari pada tinggal bersama satoe machloek seperti kaoe.“
„Itoe bitjara gila dari orang prempoean,“ djawab Vieuxtemps.„Pikirlah. Akoe pertjaja, kaoe sigra aken
