343
sama laen, apabila kita achirnja soeda ada dalem slamat. Clotilde, akoe soeda perlakoeken kaoe dengen djelek, itoe betoel, tapi tjilaka telah mengedjar padakoe. Kaloe tida, selamanja akoe telah tida tinggalken kaoe dan itoe perkara di New York selamanja tida aken terdjadi. Maka itoe, akoe moehoen pada kaoe aken loepaken itoe tempo doeloe. Kita poenja pengidoepan aken lebih beroentoeng dari doeloe. Kita nanti pergi ka Salta atawa New-town. Akoe nanti beli satoe kebon, akoe ada poenja oewang. Di sana tida satoe orang kenal pada kita, tida satoe orang aken doega, siapa adanja akoe dan kita nanti rasaken kebroentoengan jang sampoerna.“
„Bikin apa jang kaoe maoe, akoe tida perdoeli, tapi akoe tida aken toeroet sama kaoe. Antara kita orang soeda tida ada perhoeboengan apa apa lagi. Akoe nanti tjari akoe poenja makan, akoe nanti didik anakkoe dan koe lebih soeka mati dari pada idoep bersama sama kaoe.“
„Djangan toelak, Clotilde, kaoe taoe, apa nanti kasoedahannja.“
„Akoe maoe pergi sama anakkoe, kasi akoe pergi.“
„Kaoe moesti toeroet sama akoe.“
„Akoe pandang hina pada kaoe,“ djawab Clotilde.
„Akoe tida aken senang, sabelonnja akoe bertjerei dari kaoe.“
„Djangan sampe akoe pake paksaan,“ kata Vieuxtemps dengen amat marah. „Antero nasibkoe bergan Toeng dari kaoe.“
„Akoe bersoempah, akoe dan anakkoe. aken lebih Soeka mati dari pada idoep sama kaoe.“
„Dengen aloes akoe tida bisa bikin berobah kaoe poenja pikiran, akoe nanti pake laen djalan.“
