345
XXXIX.
GOEROE SEKOLA.
Di depan satoe hotel ketjil di Philadelphia ada sakoempoelan kreta kreta loear biasa, hingga orang lantas bisa kenalin itoe kreta kreta ada dari bangsa Zigeuner, jang biasa idoep mengoembara dengen djadi anak komedi dan bikin itoe kreta kreta djadi roemah tangganja.
Anak anak komedi, jang tinggal dalem itoe kreta kreta, semoeanja idoep bertjampoer sama satoe dengen jang laen dan sama roepa roepa binatang djinak dan barang barang jang paling adjaib.
Tatkala itoe ada bebrapa orang doedoek di bawah atoe poehoen boeah di blakang itoe hotel. Marika roepanja bitjaraken satoe perkara, sebab marika berdiri deket satoe sama laen dan bitjara dengen soeara pelahan.
Dari djendela jang ketjil dari itoe kreta kreta ada kliatan bebrapa kapala anak anak.
Antara orang orang laki di sitoe ada kliatan saorang jang sanget moeda, dengen moeka poetjet dan berpakean perlente.
Satoe kreta dengen doea sapi laki jang amat bagoes, baroesan brenti di depan itoe hotel. Dalem itoe kreta ada doedoek doea orang laki. Satoe antaranja pastilah ada saorang tani dan jang laen roepanja seperti satoe goeroe sekola atawa klerk. Pakeannja ada sanget saderhana.
Itoe orang tani roepanja telah ketemoe sama dia di tengah djalan dan bawa ia dalem kretanja. Ini orang sekarang toeroen dari itoe kreta dan mengoetpja
