346
trima kasi pada itoe orang tani.
Badannja itoe orang ada tinggi, koeat dan koeroes
Itoe waktoe kira kira djam anem sore. Hari tadinja sanget panas. Matahari masih mementjarken sinarnja sapenoehnja.
Itoe orang koeroes masoek dalem itoe hotel dan mengawasi dengen maloe maloe di sakiternja.
Dalem itoe hotel ada tjoema bebrapa tamoe. Itoe orang koeroes doedoek didepan satoe medja ketjil minta roti, kedjoe dan bier.
Satoe boedjang prempoean melajani dia.
Roepanja itoe orang jang baroe dateng ada sanget lapar. Dalem tempo tida sebrapa meniet ia soeda telan makanan jang ia pesan. Tatkala itoe ia rogo sakoenja dan kloearken satoe dompet jang isinja tida terlaloe penoeh.
Waktoe berpaling, ia liat di oedjoeng kamar besar dalem mana ia doedoek, ada satoe djendela.
Mandadak ia bangoen boeat tjari taoe, apakah ada orang taoe ia ada disitoe.
Mendadak moekanja djadi mesam. Itoe mesam ada banjak mirip dengen meringis.
Ia doedoek poela didepan medjanja, tapi selaloe awasin itoe koempoelan orang orang jang doedoek di blakang hotel.
Di satoe medja, deket sama dia, ia liat satoe botol jang separo berisi dan bebrapa piring, atas mana ada roepa roepa barang makanan.
Ia tida toenggoe lama, teroes makan abis itoe semoea makanan. Djoestroe sigra dateng itoe orang laki jang moekanja poetjet dan pakeannja perlente.
Ini orang jang baroe dateng, boekan laen dari Vieuxtemps. la djadi kaget tatkala liat itoe orang jang kelaparan.
