347
Tapi ia paksa tida kasi kentara kagetnja. Itoe orang oeroes memberi salam dan bangoen dari krosinja.
„Persetan, kaoe di sitoe ?" kata Vieuxtemps.
„Ja, Evans, goeroe sekola dari New York, toean Goud", djawab itoe orang koeroes.
Vieuxtemps mengawasi dengen takoet di sekoelilingnja.
„Djangan toch seboet itoe nama," katanja.
„Akoe mengarti," djawab itoe goeroe sekola. „Akoe soeda taoe. Tapi djangan takoet, akoe tida aken boeka kaoe poenja resia, akoe taoe, apa akoe moesti bikin. Kita aken doedoek sama sama. Kaoe minoem anggoer? Akoe djoega soeka sana anggoer, ini minoeman bikin orang djadi girang."
Ia doedoek di sampingnja Vieuxiemps.
„Kaoe ada poenja oewang," kata itoe goeroe pada Vieuxtemps. „Kita bisa mengarti satoe sama laen."
„Apa toch kaoe bikin di sini? Bagimana kaoe bisa dateng di sini ?"
„Akoe nanti tjeritaken, Akoe soeda bosen sama sekolaan. Itoe pakerdjaan tjoekoep boeat bikin orang djadi kelaparan. Akoe tida bisa idoep sama itoe sedikit gadjih jang akoe dapet.
„Itoe sekolaan betoel bagoes dan pernanja betoel di depan kaoe poenja roemah."
Vieuxtemps minta satoe glas, isi itoe glas dan taro di depannja Evans. Ia minoem dan kata pada Vieuxtemps:
„Djadi kaoe lari tjara begini? Dan ka mana kaoe maoe pergi? Sampe sabegitoe djaoe kaoe telah bisa terloepoet dari tangan polite, kaoe memang tjerdik!"
„Kaloe kaoe boeka akoe poenja resia, akoe kasi pelor dalem kaoe poenja kepala. Akoe tida aken bisa loepoet
