350
kaoe spęda mabok.“
„Tida, itoe tida, laen dari kagirangan.“
„Dan kaloe kaoe taoe, hikajat brapa bagoes akoe nanti tjeritaken! Soenggoeh, ampir tida bisa dipertjaja,“ kata Evans lagi.
„Sekarang djangan bitjara lagi, Evans, toetoep kaoe poenja moeloet.“
„Denger toeh lagi sabentar, kaoe moesti taoe, bahoea akoe sekarang ada dalem pelarian. Djadi, kaoe sekarang aken pertjaja, akoe tida bisa serahken kaoe pada politie. Kita setali tiga oewang sadja, sobat, maka itoe kita nanti bisa djadi sefakat sama satoe dengen laen.“
Abis kata begitoe ia minoem lagi.
„Kaoe tida dapet minoem lagi,“ kata Vieuxtemps.
„Sajang! Akoe soeka ini anggoer dan akoe poenja pikiran djadi terang dengen minoem ini anggoer. Akoe tadi bilang kita poenja nasib sama sadja. Akoe poen lagi di kedjar. Orang lagi tjari padakoe. Akoe soeda bikin enteng kas sekolaan boeat bebrapa ratoes dollar. Akoe perloe oewang boeat akoe poenja perdjalanan dan tjoba akoe minta, orang tentoe tida kasi. Djadi, akoe ambil sendiri.“
„Doeloe kaoe toch selaloe ada saorang djoedjoer.“
„Betoel, tapi apa akoe aken bilang? Kasempetan bikin pentjoeri, boekan? Dan kemoedian akoe beladjar kenal sama Harry.“
„Siapa itoe, Harry?“
Satoe toekang bakar areng. Dalem kas ada banjak oewang, jang menoesoek matanja. Silver djadi kassier, ia djoega kepingin sama itoe oewang. Kemoedian itoe doea orang djadi sobat. Blakangan lagi akoe adjar kenal sama marika. Marika atoer maksǝed maksoed. Akoe tjoema djadi pembantoe sadja. Akoe aken dapet
