359
ada satoe lentera. Di sitoe kabetoelan ada kambratnja itoe goeroe sekola. Itoe prempoean jang pake koedoeng biroe telah djato dalem marika poenja tangan. Marika hendak ganggoe itoe prempoean, zonder taoe bahoea politie ada di deket sitoe.
Mendadak dateng Evans. Itoe doea orang djadi mendjerit lantaran heran.
Tatkala itoe premporan jang pake koedoeng liat padanja, ia (itoe prempoean) lantas bisikin Harry. Harry djadi kagoem lantaran heran.
„Djangan ganggoe ini prempoean,“ katanja pada Silver, jang menoeroet itoe prentah.
Itoe prempoean lantas mengilang.
Politie masi ada dalem hotel. Djalanan masi lapang. Itoe waktoe soeda tengah malem.
„Siapa adanja itoe prempoean?“ tanja Evans.
„Apa kaoe perdoeli? Boekan kaoe poenja perkara,“ djawab Harry.
„Apa kaoe taoe, bahoea Goud, itoe millionnair, ada di sini ?“
„Omong kosong!“
„Baroesan akoe beromong omong sama dia dalem hotel. Ia ada bawa banjak oewang.“
„Ia tida ada di sini,“ kata Harry.
„Kaloe begitoe ia soeda pergi. Dengen sebrapa bisa lekas kita moesti lari djoega,“ kata Evans lebih djaoe, „politie kedjar pada kita.“
„Persetan!“ kata Silver„,di segala saat marika bisa tangkep kita.“
Tapi Harry sama sekali tida merasa bergerak hatinja lantaran ini kabar jang sekoenjoeng koenjoeng.
„Apa kaoe kira, orang aken tjari kita di sini?Dan hikajat apa itoe, jang kaoe tadi tjeritaken?“
