360
„Akoe bersoempa, itoe ada sabenarnja.“
„Dan bagimana kaoe bisa taoe?“
„Akoe ada dalem hotel, tatkala itoe pemboenoeh dan itoe prempoean dateng.“
„Akoe moelai mengarti kaoe poenja maksoed,“ kata Harry.
Silver mendadak pasang koepingnja.
Jang doea laen toeroet itoe toeladan.
Marika rasanja ada denger orang boeniken fluit.
„Apa akoe tida soeda bilang?“ kata itoe goeroe sekola dengen moeka poetjet sebagi mait.
„Mari kita pergi,“ kata Harry.
Dalem satoe seconde itoe tiga orang soeda lari djaoe.
Itoe prempoean poen telah lari di djoeroesan jang sekarang diambil oleh itoe tiga orang.
„Denger,“ kata Silver. „Akoe taoe, deket sini ada satoe tempat, di mana kita aken bisa semboeni dengen slamat.“
„Kenapa kaoe kasi itoe prempoean pergi?“ tanja Evans.
„Apa goenanja dia boeat kita?“
„Akoe bilang, ia tadi ada dalem hotel bersama toean Goud. Kenapa? Dengen maksoed apa ? Itoelah akoe tida taoe. Tapi sekarang kita tida bisa bikin apa apa lagi. la soeda pergi. Tjoba ia masih ada sama kita, kita bisa ketemoein lagi itoe millionnair.“
„Hary tentoe kenal ini prempoean,“ kata Silver.
„Biar toch dia pergi,“ kata itoe bekas koeli areng.
„Kita ada poenja laen oeroesan. Di mana adanja itoe tempat semboeni?“
„İkoet sama akoe. Waktoe soeboeh kita nanti sampe disitoe.“
