363
„Kaoe poenja kedjoedjoeran itoe waktoe djoega boekan tida ada tjatjatnja. Kaoe poenja kantong kosong, belon lagi dibilang kaoe bekerdja dari pagi sampe malem seperti saekor kerbo,“ kata Silver.
„Denger dia poenja bitjara,“ Harry samboeng lagi.
„Ia ada saorang jang soeda banjak mengalamin. Dan saorang seperti itoe bisa kasi peladjaran sama banjaknja seperti kaoe, goeroe. la taoe semoea, soeda liat semoea, soeda rasaken semoea.“
„Kaloe kaoe berdoea toeroet akoe poenja nasehat,“ kata Silver lebih djaoe, „kita aken djadi kaja seperti president jang doeloean. Orang teroetama tida boleh moendoerken temponja bekerdja. Apa kita bikin disini, dengen berpakean rombeng, tida poenja tempat tidoer, atjap kali tida poenja makan, sedeng laen orang, jang sama sadja boesoeknja seperti kita, makan enak, poenja roemah roemah bagoes dan segala apa jang marika maoe? Akoe maoe dapet bagian djoega dalem itoe kasenangan. Ikoet sama akoe, denger akoe poenja bitjara, akoe nanti bawa kaoe orang pada satoe astana, jang sama djadi kapoenjaan kita seperti ia djadi kapoenjaan laen orang. Mas ada disediaken bagi orang, jang maoe ambil dan simpen.“
„Betoel sekali,“ kata Harry. „Bagoes!“
„Sabelonnja soeboeh kita moesti ada disana. Itoe pakerdjaan tida soesah dan sigra aken abis.“
Harry kasiken pada Evans ia poenja botol jang berisi minoeman keras. Dengen ijepat itoe goeroe trima itoe botol dan minoem sebagian besar dari isinja. Kemoedian Harry dan Silver toeroet toeladannja dan minoem sampe tida ada katinggalan barang satetes.
„Atas kaoe poenja kasehatan, toean Evans,“ kata Silver sambil poera poera hormat. „Atas kasehatannja
