364
kaoe poenja toean penoeloeng dan sobat.“
„Djangan seboet namanja itoe orang berboedi.“
„Kaoe poenja kahendak aken ditoeroet.“
Itoe tiga orang teroesken perdjalanannja dan achirnja sampe, waktoe soeboeh, di moeloetnja satoe goha jang dalem. Moeloetnja itoe goha ampir ditoetoep seanteronja oleh roepa roepa batoe. Ini goha tentoe tida banjak dikoendjoengi orang, sebab sarang laba laba jang sanget besar dan banjak koetoe koetoe ada- iah isinja itoe goha.
Silver palah satoe tjabang dari satoe poehoen dan pake itoe boeat singkirken koetoe koetoe jang begroemoen di moeloetuja itoe goha. Kemoedian ia bawa doea sobatnja ka itoe goha jang ia soeda kenal. Sasoenggoehnja, boekan pertama kali jang ia semboeni di sitoe, sebab soeda bebrapa kali ia bertjidra sama politie, jang djadi tjari padanja
„Mari kita preksa doeloe, siapa menginep di sini,“ katanja sambil djalan lebih doeloe. „Itoe laba laba jang sanget besar akoe tida soeka. Akoe nekat, betoel, tapi seperti djoega Nelson, akoe poen goemetar boeat saekor laba laba.“
Sasoenggoehnja djoega moekanja poetjet.
„Tjoba liat,“ kata Harry. „begini akoe bikin sama itoe binatang binatang.“ Dan ia indjek itoe sama spatoenja
„Kaoe sadja djalan doeloe,“ kata Silver dan kasiken padanja itoe tjabang kajoe.
„Mari toch kita toenggoe,“ djawab Harry. „Akoe pasang lilin doeloe.“
Ia kloearken korek api dan soelet itoe tjabang kajoe.
Tatkala marika madjoe lebih djaoe, marika dapet liat pemandangan loear biasa.
