372
Den Haag kaoe selaloe berlakoe manis pada akoe dan itoe kelakoean bisa djoega djadi seperti menjimpen oewang,“ katanja dengen ketawa, „rentennja tida ilang. Sitoekang tjoekoer doeloe sekarang kasi pertoeloengan pada kaoe. Hai hal begini kedjadian lebih sering dari jang orang maoe pertjaja“
Saabis ini pertjakepan, itoe doea orang djalan lebih djaoe. Marika sampe dioendjoeng djalanan dan kemoedian menjebrang padang padang.
Frits, jang mempoenjai mata tadjem, sigra dapet liat satoe api.
„Di sana ada tempat tinggal,“ kata Scherer sambil menoendjoek di djoeroesan dari itoe api. „Mari kita pergi ka sana. Kita aken menginep di sana. Kaoe tentoe laper dan aoes, boekan ?“
„Toean Frits,“ kata Clotilde, „akoe mengoetjap trima kasi pada Allah, jang akoe, dalem perdjalanankoe di Amerika, telah ketemoe pada kaoe.“
„Kaoe ampir tida bisa djalan,“ djawab itoe bekas toekang tjoekoer dengen merasa kesian.
„Apa toch adanja ini pengidoepan! Doeloe kreta bagoes menoenggoe di depan roemali; njonja gravin dan poetrinja melaenken moesti toeroen sadja dari tangga marmer. Djongo's djongos jang memake pakean biroe, memboeka pintoe kreta. Kita doedoek atas bantal bantal dari beloedroe poetih boeat pergi ka Scheveningen atawa Leiden,“ Clotilde kata lagi sambil djalan.
„Jang paling oetama,“ djawab Scherer boeat hiboerken hatinja Clotilde, „jalah djangan poetoes harepan. Kaloe keadaankoe soeda kliwat soesa, akoe lantas menjanji satoe njanjian dari tempo akoe masih anak anak.“
