376
pantes, kasi djawaban jang pantes pada sasoeatoe tetamoe. Dengen hati hati ia kasi pergi orang orang jang dengen paksa hendak ketemoe sama madjikannja. Melaenken prempoean prempoean toekang djait boleh ketemoe sama madjikannja.
Oewang dateng seperti aer bandjir. Ia pegang boekoe jang teliti dari segala ongkos ongkos jang ia kloearken dan pendapetan pendapetan jang ia trima. Ia oeroes semoea rekening rekening, hingga nona Altborg tida oesah repot pikir apa apa.
Itoe nona telah sewa bebrapa kamar dalem Palace hotel, sebab ia perloe pake banjak kamar, jaitoe, satoe boeat adjar ia pɔenja njanjian njanjian, satoe boeat simpèn dan pas ia poenja pakean pakean dan laen laen lagi. Eigenaar dari itoe hotel sanget girang itoe nona menoempang di hotelnja.
Pada socatoe hari satoe kreta, jang ditarik oleh ampat koeda bagora, rent at depan itoe hotel.
Boedjang boedjang lari lari boeat boeka pintoenja itoe kreta.
Orang taoe siapa adanja orang jang dateng.
„Sullivan!“ orang berbisik, „millionnair jang kesohor. la adalah prins dari kita poenja kota, prins dari Philadelphia.“
Toean Sullivan toeroen dari itoe kreta. Ia ada saorang moeda jang berbadan besar, potongan bagoes, tjakep dan amat kaja. Segala apa ada menoendjoeken jang ia ada saorang hartawan: djenggotnja jang dirawat baek, ramboet kepakalanja jang dipotong bagoes, saroeng tangannja dan spatoenja.
Ia memake satoe kalja mata djepitan. la liat dengen senang itoe djongos djongos jang begitoe radjin me-
