377
lajani dia. Ia anggep itoe seperti pembrian hormat pada ia poenja diri dan kakajaan.
Salah satoe boedjang jang pake pakean merah kloearken satoe karang boenga dari itoe kreta. Itoe karang boenga terbikin dari boenga boenga mawar dan laen laen lagi.
Harganja itoe lebih dari f 250.— roepia.
Tatkala toean Sullivan masoek dalem itoe hotel, itoe boedjang ikoeti dia dengen bawa itoe karang boenga.
Itoe millionnair menanja apa ia bisa dikasi adjar kenal sama itoe toekang menjanji.
Toean hotel lantas anterken itoe tamoe ka kamarnja Frits Scherer, si Secretaris, jang trima itoe millionnair dengen dingin. Kelakoean ini membikin heran pada toe radja oewang, jang biasa orang trima kedatengannja dengen hormat paling merendah.
„Britaoeken kedatengankoe pada nona Altborg!“ katanja dengen sombong.
Frits angkat poendaknja.
„Toean,“ djawabnja, „akoe menesal...“
„Apa kaoe maoe bilang ?“
„Orang tida bisa dapet bitjara sama itoe nona.“
„Akoe Sullivan!“
„Tapi akoe menoeroet prentahnja akoe poenja madjikan.“
„Apa akoe moesti perdoeli? Akoe tida kenal sama kaoe.“
„Betoel, tapi, tjobalah kaoe bilang apa kaoe maoe. Apa kaoe maoe pesan tempat atawa barangkali...“
„Apa jang akoe maoe... akoe djoega bisa,“ djawab Sullivan dengen tida sabaran. Akoe maoe bitjara sama nona Altborg. Kaoe mengarti ?“
Frits mengawasi pada boedjang jang pegang itoe
