379
Scherer pergi,
Sullivan gosok gosok tangannja seperti ia pertjaja pasti atas kamenangannja.
Itoe secretaris kombali, boeka pintoe dan oendang itoe tetamoe ikoet sama dia.
Ini millionnair ambil itoe karang boenga dan toeroet djalan dengen moeka girang.
Marika masoek dalem kamarnja Clotilde. Ini gravin moeda dalem ini tempo jang paling blakang soeda berobah sama sekali roepanja.
la memake pakean dari soetra, jang bagoes betoel boeat dia.
Sullivan mendjoera.
,,Toean," kata Clotilde,,,apa jang menjebabken akoe dapet ini kahormatan dari kaoe poenja perkoendjoengan? Doedoeklah."
,,Pertama akoe hendak sampeken akoe poenja pembrian hormat," djawab itoe millionnair,,,Kaoe menimboelken orang peenja poedjian sanget dan akoe adalah jang paling sanget memoedji."
la kasiken itoe karang boenga.
Clotilde trima dan taro itoe atas medja.
,,Akoe sanget girang dapet kaoe poenja manis boedi, toean," katanja,,,rasanja akoe soeda taoe liat kaoe dalem kamar tempat menjanji."
,,Saban pertoendjoekan akoe dateng mendenger. Kita soeda sering mendenger toekang toekang menjanji jang kesohor, tapi belon pernah mendenger saorang prempoean jang mempoenjai kepandean seperti kace."
Dan ia mendjoera lagi sekali dengen hormat.
,,Orang soesa bisa berlakoe lebih aloes dari dia," pikirnja Clotilde dan mesam manis.
