381
orang jang bisa menerbitken orang poenja soeka,“ katanja lebih djaoe.„Akoe nanti kenalken kaoe sama akoe poenja sobat Woodfort, Consul Lawton, kolonel Mac Tree dan saorang Italie jang sanget aneh, jaitoe Graaf Girardi, jang bikin perdjalanan boeat memperbaeki keadaannja orang orang hoekoeman. Apa itoe tida bagoes? Tapi akoe tida maoe ganggoe kaoe lebih lama. Sampe ketemoe, nona Altborg, sampe besok malem.“
Ia tjioem tangannja Clotilde dan berlaloe.
Tatkala Clotilde tinggal saorang diri sadja, ia moelai berpikir.
Satoe pengidoepan baroe soeda terbit boeat dia, satoe pengidoepan jang roepanja beroentoeng. Apa toedjoeannja ini pengidoepan?
Ia tjari anaknja. Itoelah toedjoeannja.
Ia moesti dapetken ia poenja Emma. Sekarang ia aken bisa dapetken toedjoeannja itoe.
Frits dateng di depan pintoe, satoe mesam jang beroentoeng bermaen dibibirnja.
„Nona Altborg,“ katanja, „disini ada sariboe dollar dan disini ada lagi saratoes.“
„Itoe saribee dollar boeat iboe iboe jang miskin, sisanja boeat kaoe, sobatkoe.“
„Kita kaja, nona Altborg, saban malem tempat penoeh sama penonton.“
„Lebih baek. Tapi toch,“ katanja dengen soeara sedih, „kita tida aken tinggal disini. Kaoe bilang, anakkoe tida bisa di dapet lagi?“
„Blakangan barangkali bisa, tapi sampe sabegitoe djaoe semoe daja oepajakoe sia sia sadja.“
„Kaloe begitoe, loesa kita brangkat !“
„Sedeng kita beroleh hasil begini bagoes ?“
