382
„Apa goenanja itoe hasil ? Samentara itoe perampok perampok dari anakkoe saban hari pergi lebih djaoeh.“
Frits tida mendjawab. Bagimana ia bisa banta bitjaranja ini iboe jang bersoesa hati?
„Kita aken landjoetken kita poenja pengidoepan mengoembara, kita aken pergi dari kota jang satoe ka kota jang laen, kaloe moesti, djoega dari desa jang atoe ka desa jang laen, sampe kita dapetken maksoed kita.“
„Ini karang boenga harganja amat mahal,“ kata Frits sambil mengawasi boenga boenganja Sullivan dengen maksoed boeat toentoen pikirannja Clotilde ka laen djoeroesan. „Bagimana bagoes adanja ini boenga boenga. Baoenja djoega amat sedap!“
„Tapi,“ katanja dengen mendadak, „ada sepotong kertas ketjil disini“
„Apa itoe? Kaartjis nama? Tjoba liat,“ kata Clotilde.
„Boekan kaartjis, tapi satoe boengkoesan ketjil. Heran! Rasanja keras, barangkali gelang.“
Dengen soesa Frits achirnja kloearken itoe boengkoesan ketjil dari itoe karang boenga. Itoe boengkoesan berisi satoe gelang jang amat bagoes, jang ia trimaken pada Clotilde.
„Satoe pembrian amat mahal,“ katanja. „Itoe gelang tertaboer dengen inten dan batoe mirah.“
Clotilde poenja inoeka djadi merah.
„Ini ada satoe hinaan,“ katanja dengen pelahan.
„Tida,“ kata Frits, „ini ada satoe pembrian hormat jang patoet pada si artiste jang pande. Pake toch, nona Altborg.“
„Persetan!“ katanja lagi. „Soenggoeh amat bagoes. Kasi toch itoe kahormatan pada itoe toean Sullivan dengen pake ia poenja pembrian. Ini orang orang soeka
