42
ini ada soerat kelahiran dari anak kita."
Tatkala Goud liat itoe soerat soerat, sasoenggoehnja ia ampir djadi gila. la poenja Kahormatan, ia poenja nasib, semoea ada di pegang oleh Clotilde. Kaloe sadja itoe soerat soerat ia bisa rampas, ia tida oesah koeatir lagi.
Dan kenapa ia aken tida bisa rampas itoe soerat soerat? la tjoema berdoea sadja dalem itoe kamar.
Lantaran disoeroeng oleh itoe pikiran iblis, Alfred menerdjang pada istrinja. Satoe djeritan jang serat kadengeran dalem itoe kamar, di mana soeda moelai djadi gelap. ltoe djeritan diberikoeti oleh djeritan kadoea.
Alfred telah pegang tangannja Clotilde, dalem mana ia pegang itoe soerat soerat, dengen maksoed aken rampas itoe soerat soerat.
„Toeloeng! Toeloeng!" Clotilde bertreak. Tapi kakinja terpleset, ia djatoh tjelentang dan kelenger.
Itoe soerat soerat terlepas dari tangannja. Alfred lantas gendong istrinja jang pangsan.
Pintoe diboeka dan Marie masoek dalem itoe kamar. Sasaat lamanja ia berdiri seperti soeda ditjipta djadi batoe lantaran meliat itoe kedjadian jang tida terdoega sama sekali.
la telah denger djeritan jang tertahan dan lantas boeroe boeroe dateng boeat kasi toeloengan.
Tatkala meliat Marie, Alfred lantas taro korbannja atas divan.
„Apa terdjadi di sini ?" Marie menanja sembari madjoe lebih deket.
Johan, sebagimana Marie biasa seboet Alfred, soeda dapetken kombali ia poenja kesabaran.
„Akoe dapetken ini prempoean asing dengen pangsan di loear kamar," djawabnja dengen sedikit goe-
