46
Semoea orang awasken ia poenja gerak gerakan sembari mesam.
Ini kali ia maen kartoe laen.
Limapoeloe riboe dollar taroannja, kata saorang jang doedoek dimedja itoe. Dengen satoe kali pasang, ia hendak dapet kombali semoea kakalahannja.
„Goud," kata saorang laen,„pasang lagi di kartoe jang tadi djoega. Akoe brani bertaro, ini kali itoe kartoe menang."
Alfred tida maoe perdoeliken. la soeda pilih laen kartoe:
Jang djadi bank soeda moelai bagi kartoenja. Satoe boeat ia sendiri dan satoe boeat masing masing jang toeroet berdjoedi.
Mendadak ada sedikit riboet antara lid lid dari itoe club djoedi. Benar sekali, ini kali itoe kartoe, jang dipoedjiken pada Alfred, menang, tapi tida satoe orang ada pasang di itoe kartoe.
„Goud, tjoba kaoe toeroet nasehatkoe, kaoe dapet kombali kaoe poenja limapoeloe riboe dollar," kata itoe orang poela, jang tadi poedjiken itoe kartoe.
Dengen tida mendjawab dan dengen napas jang ditahan, Alfred memandang kartoe kartoe, jang dibagi dengen sabar oleh orang jang pegang bank.
Ini malein peroentoengannja itoe bankier ada bagoes sekali.
Dengen tida kata barang sepatah ia ambil itoe cheque dari limapoeloe riboe dollar dan tambahken itoe pada laen² djoemblah, jang bertoempoek di depannja.
Sasaat lamanja Alfred roepanja seperti djadi kakoe lantaran kaget dan tida bisa oetjapken barang sepatah perkataan. Laen laen pendjoedi omomg maen maen dan ketawa.
