54
Apakah ini pemboenoean lantaran pembalesan sakit hati, atawa, apaka orang telah pergokin pemboenoehnja, sabelonnja ia dapet tempo boeat koempoelken barang barang jang berharga dan boeka itoe lemari besi ? Inilah moesti diterangken oleh papreksaan. Dari si pemboenoeh tida ada katinggalan tanda tanda barang sedikit.“
Clotilde angkat matanja dan memandang pada Alfred, jang berdiri di samping istrinja jang pangsan.
Satoe pikiran hebat timboel dalem ingetannja Clotilde, Djantoengnja ampir brenti memoekoel tatkala ia dapet itoe pikiran. Seloeroeh toeboehnja goemetar, sedeng matanja tetap memandang pada Alfred.
Itoe orang lelaki, jang djadi ajah dari anaknja, jang pada bebrapa taon berselang telah peloek dan tjioem padanja dan kemaren telah menjerang padanja boeat rampas ia poenja soerat soerat, itoe orang lelaki menimboelken Clotilde poenja rasa takoet dan djidji.
Kenapa ia tidak batja itoe soerat kabar ? Kenapa ia tida maoe tjari taoe apa sebabnja Marie nendadak djadi begitoe kaget sampe djadi pangsan ? Apa ia lebih doeloe soeda taoe, apa jang ditjeritaken dalem itoe soerat kabar, jang dipegang oleh Clotilde.
Soeara rame kedengeran di gang dalem itoe roemah.
Pintoe diketok dan satoe boedjang masoek dalem kamar makan. Djoega ini boedjang kliatannja sanget kaget.
Alfred kenal namanja ini orang politie jang kesohor, jang di New York terkenal sebagi detective jang paling pinter. Apa maoenja itoe orang politie dateng di sitoe ?
