58
kaoe, sebab kaoe djadi anak dan achliwaris jang toenggal dari toean Smith; dan padakoe diwadjibken boeat sampeken ini kabar sedih.“
„Akoe moesti pergi kasana ! ... Toeroet sama akoe, Johan!“ katanja Marie dengen soeara pelahan.
Sedeng itoe pengoeroes kamar, jang ikoet di blakang madjikannja, menangis dengen sasenggoekan, Clotilde teroes memandang pada Alfred.
Alfred melirik padanja. Pada soeatoe saat matanja kadoea orang itoe bertemoe sama satoe dengen laen. Rasa takoet lantas timboel dalem hatinja Clotilde.
„Djikaloe kaoe maoe, njonja Goud,“ kata Bernard lagi pada Marie Smith, „akoe soeka anterken kaoe karoemahnja ajahmoe, jang, sebagimana akoe soeda bilang, ditoetoep boeat segala orang.“
„Tapi soeamikoe toch boleh toeroet?“ tanja njonja Goud.
„Toean Goud djadi kaoe poenja soeami dan kerna itoe ia djadi djoega achliwaris dari jang meninggal. Tentoe sadja ia boleh toeroet. Djoega ini doea orang, jang nanti kaoe brangkali perloe soeroe, boleh toeroet sama kaoe,“ djawab itoe inspecteur sembari menoendjoek pada Clotilde dan itoe pengoeroes kamar.
„Trima kasi. Dan Bob, di mana adanja akoe poenja Bob jang baek?“
„Kaoe nanti ketemoeken ia dalem itoe roemah.“
„Kenapa ia tida dateng di sini boeat panggil akoe?“
„Akoe tida taoe, kenapa ia tida lantas pergi pada kaoe. Tapi tatkala ia kasi taoe itoe kedjadian pada politie, soeda telaat aken ia pergi kasi taoe lagi pada kaoe. Ia moesti tinggal disitoe boeat didenger pengakoeannja.“
„Dan apa orang tida taoe apa jang soeda terdjadi?
