70
tatkala tadi akoe hendak kaloear:
,,Nah, tjoba sekarang tjeritaken, bagimana itoe pemboenoeh bisa kloear dari ini roemah ...... kaloe seandenja ia telah masoek tatkala pintoe masih diboeka, apakah kaoe tida ada liat apa apa jang mentjoerigaken ?"
,,Tida, toean, tida ada soeatoe apa; tida ada satoe orang."
,,Kita anggep sadja, ia telah semboeni dan menjerang toean Smith tatkala ia lagi boeka pakeannja. Halnja toean Smith kedapetan mati dengen memake kemedja, Kaoan biasanja kaoe poenja madjikan pergi tidoer ?"
,,Selamanja waktoe tengah malem, toean."
,,Tjotjok sama katerangannja dokter. Itoe pemboenoean soeda terdjadi waktoe tengah malem ............. Apa tadi malem toean Smith koentji sendiri segala pintoe pintoe ?"
,,Di waktoe tengah malem akoe denger tindakan."
,,Kenapa kaoe tida pergi liat ?"
,,Sebab saben malem ada kadengeran begitoe."
,,Baek! Djadi sedikit waktoe sabelonnja tengah malem toean Smith telah koentji roemah," katanja toekang preksa mait. ,,Ia telah bawa itoe koentji dalem ia poenja kamar tidoer. Kaoe bilang, tadi pagi kaoe telah dapetken itoe koentji."
Bob manggoetken kepalanja.
,,Sekarang akoe kombali pada pertanjaan tadi: tjara bagimana si pemboenoeh telah kloear dari roemah jang terkoentji ? Ia tida bisa pake itoe koentji. Ia tida kloear djalan djendela. Akoe maoe taoe, tjara bagimana itoe pemboenoeh telah kloear. Apa kaoe bis terangken ?"
