71
Sesaat lamanja dalem itoe kamar ada sepi. Kamoedian Bob kata :
,,Akoe belon tjoekoep pikir tentang hal itoe, toean. Bermoela akoe kira, itoe pemboenoeh masi ada dalem roemah."
,,Hm!" itoe hakim menggrendeng dan menoenggoe sampe secretarisnja soeda tjatet itoe djawaban dari Bob.
,,Apa di waktoe tengah malem kaoe tida ada denger treakan atawa soeara jang mentjoerigakan ?"
,,Tida, toean, sama sekali tida. Maka itoe tadi pagi akoe djadi sanget kaget "
,,Sebagimana biasa, jaitoe sedikit waktoe sabelon tengah malem."
,,Dan kapan kaoe pengabisan kali masoek dalem kamar tidoer dari toean Smith ? Akoe maoe bilang, kapan kaoe liat toean Smith, kapan kaoe bitjara padanja jang pengabisan kali ?"
,,Kira kira djam 10, tatkala akoe seerti biasa, bawa thee sama toeankoe."
,,Apa itoe waktoe kaoe poenja toean bilang pada kaoe . Dimana ia berada ?'
,,Ia doedoek dalem ia poenja kamar tempat bekerdja dan membatja kabar kabar jang paling blakang dari pasar oewang."
,,Apa ia tida bitjara apa apa pada kaoe ?"
,,Toean Smith djarang omong; semoea ada seprri biasa sadja."
,,Dan apa ia ada minoem itoe thee ?"
,,Ja, toean, ia minoem seperti biasa. Tatkala tadi pagi akoe ambil tempat thee, ternjata ia telah minoem."
,,Apa terdjadi tatkala kaoe soeda bawa itoe thee ?"
