9
bersalah, tapi akoe toch soeda insaf djoega kasalaankoe !.... Akoe telah menanggoeng sengsara dan soesah hati... Akoe telah menanggoeng kamelaratan dan kelaparan."
„Kenapa Kaoe tida tinggal teroes sama itoe orang, lantaran siapa kaoe telah tinggalken kita orang?"
„O, ajah! Akoe saorang diri sadja. Tatkala akoe, lantaran chilaf, telah toeroet dan kawin sama itoe orang, ia tinggalken akoe telantar!..... Sadjek itoe akoe tida taoe liat ia lagi dan tida taoe djoega denger apa apa tentang dirinja.... Akoe telah bekerdja sama tangankoe soepaja bisa idoep dan berdiam dalem satoe kamar ketjil di loteng. Akoe terlaloe sombong boeat minta kaoe poenja pertoeloengan. . . . Achirnja akoe tida bisa lagi pikoel kasoesaankoe lebih lama. Akoe lantas brangkat dan sekarang sampe di sini boeat minta ampoen pada kaoe."
„Kaoe boekan anakkoe lagi!... Akoe boekan ajah sadjek kaoe pergi dari ini gedong, kaoe soeda bikin poetoes semoea tali jang mengiket kita orang!"
„O, ajah, kasianilah! Djanganlah oesir akoe dari roemahmoe. Akoe tjoema saorang diri dan melarat. Djanganlah bikin akoe djadi poetoes harepan !"
Clotilde memoehoen dengen sanget.
Graaf Limburgh keroetken alisnja. Matanja menjala, sedeng dadanja berombak.
Kemoedian ia biljara lagi:
„Kaoe soeda datengken kahinaan pada kita poenja kaoem jang soeda toea! Kaoe soeda loepaken kaoe poenja kewadjiban dan soeda kasiken kaoe poenja tjinta pada satoe badjingan!... Liat, sadjek kaoe pergi, ramboetkoe soeda djadi poetih... Itoe kasedihan soeda
