72
Itoe waktoe papreksaan dibikin poetoes oleh saorang jang boeka pintoenja itoe kamar. Ternjata itoe orang adalah kolonel Rogers.
Kolonel Rogers masoek dalem itoe kamar dan pergi ka kamar, di mana ada terletak maitnja toean Smith boeat bikin papreksaan jang teliti.
Bernard, jang memperhatiken itoe papreksaan pada itoe boedjang, menoenggoe djawabannja Bob, sabelonnja ia ikoet chefnja pergi ka kamar maifi. Bob men djawab :
„Akoe lantas berlaloe.“
„Apa toean Smith tinggal saorang diri sadja?“
„Seperti biasa, toean, seperti biasa. Toean Smith soeka doedoek saorang diri sadja.“
„Dan apa kemoedian dari itoe kaoe tida liat ia poela?“
„Tida, toean. Seperti biasa, akoe tinggal dalem kamarkoe.“
„Apa dalem ini waktoe jang paling blakang kaoe ada liat dalem ini roemah atawa di deket ini roemah saorang jang roepanja menerbitken rasa tjemboeroe?"
„Tida, toean.“
„Baek. Kaoe toch maoe moftakat, bahoea ada saorang jang telah lakoeken itoe pemboenoean,sebab sama sekali tida bisa djadi toean Smith boenoeh diri.
Lebih djaoe orang telah boenoeh toean Smith dengen maksoed boeat merampas hartanja. Tapi si pemboenoeh telah djadi ketakoetan dan lari dengen tida sempat ambil itoe harta. Brangkali ia telah djadi terlaloe kaget, sasoeda ia lakoeken itoe pemboenoean.
Dari mana datengnja itoe tanda tanda darah di badjoemoe ?“
„Akoe, soeda terangken tadi, toean. Dalem akoe
