73
poenja sedih akoe telah peloek madjikankoe dan pakeankoe djadi ketjipratan darah."
„Hm!.... Dan apa sekarang kaoe maoe terangken, tjara bagimana itoe pemboenoeh kloear dari ini roemah?"
Tentoe ia telah pake satoe koentji palsoe."
,,Akoe soeda preksa koentji jang toelen. Inspecteur Bernard, jang pande dalem ini perkara, menerangken, itoe koentji ada amat bagoes dan tida bisa orang pake koentji palsoe. Tambahan lagi ini ada satoe perkara jang tida bisa dilakoeken oleh saorang asing, sebab koentji jang toelen selaloe disimpen baek." Dalem kamar seblah kadengeran soeara orang, hingga itoe toekang preksa mait brenti bitjara boeat men- dengerken.
,,Ini ada satoe pendapetan penting. Ini kantong koelit telah ditinggal oleh pemboenoehnja jang tida dapet tempo lagi boeat bawa ini kantong," kata saorang dalem itoe kamar.
Ini kantong teilepas dari tangannja itoe pemboenoeh atawa djatoh dari tempat tidoer, sebab orang dapetken ia di blakang...."
Inspecteur Bernard dateng di depan pintoe. Tangannja memegang satoe barang pandjang.
„Apa kaoe telah dapet?" toean De Vries menanja.
,Agent Andriessen telah poengoet ini kantong dari bawah tempat tidoer", djawab Bernard sembari trimaken itoe barang. Pastilah ini ada kantongnja piso, dengen mana itoe pemboenoean telah dilakoeken.
Toekang preksa mait ambil itoe kantong dan preksa, sedeng matanja Bernard mengawasi pada Bob.
Bob sekap tangannja dan mengawasi itoe barang dengen takoet.
