75
tida taoe soeatoe apa tentang itoe sangkaan.
,,Akoe ada poenja satoe pistol tatkala akoe masi bepergian," djawab Bob dengen tida tjoeriga apa apa.
"Tapi sekarang akoe tida poenja itoe lagi. Soeda lama akoe djoeal itoe sendjata api, sebab tida perloe lagi."
„Dan apa dalem ini waktoe jang paling blakang ada orang asing dateng pada toean Smith ? Tjoba pikir doeloe Jansen. Ini pertanjaan ada penting sekali. Apa tida ada orang dateng di sini? Apa kaoe tida ada liat apa apa jang mentjoerigaken ?"
,,Tida, toean. Sama sekali tida. Djoega tida ada orang asing dateng di sini. Toean Smith oeroes semoea oeroesan di kantornja dan selamanja tida taoe trima orang asing di sini. Tentoelah, tatkala moelai gelap, si pemboenoeh telah semboeni dalem ini roemah. Ia tentoe telah masoek dalem kamarnja toeankoe dengen tida diketahoei dan lakoeken itoe pemboenoean dengen begitoe tjepat, hingga orang tida denger apa apa dan toeankoe sampe poen tida bisa bertreak minta toeloeng."
,,Tjoba ada treakan, apa kaoe tentoe telah dapet denger ?"
,,Di waktoe malem dalem ini roemah ada begitoe sepi, hingga sedikit. soeara sadja soeda bisa kadengeran."
Satóe kreta jang ditjat item, brenti di depan itoe roemah.
Orang dateng ambil maitnja toean Smith boeat dipreksa lagi.
Tiga orang masoek dalem itoe kamar.
Hakim jang taoe maksoednja marika poenja dateng, lantas oendjoeken kamar tidoer, di mana itoe mait masi terletak atas tempat tidoer.
