79
O," ia potong bitjaranja sendiri, „selaloe ini perkara ngeri tertampak di depan matakoe!. . . Siapa soeda boenoeh ajahkoe?“
„Kesian si Robbert!“
„Sigra nanti dapet diboektiken bahoea ia tida bersalah, njonja Goud.”
„Akee harep begitoe. Saban hari akoe sembajang minta begitoe. Tapi akoe ampir djadi poetoes harepan lantaran itoe koentji. Ini jang djadi sebab maka dakwaan didjatohken pada Robbert, sebab tjioema ia saorang jang bisa ambil itoe, sebab ajahkoe selamanja simpen itoe koentji dalem kamarnja.”
„Inilah ada satoe resia, jang brangkali aken dapet diterangken. .... Apa tjoema ada satoe koentji ?”
„Tida, Clotilde, ada doea.”
„Doea ?” kata Clotilde dengen heran.
„Satoe di pegang oleh ajahkoe dan satoe lagi akoe pegang.”
„Apa kaoe ada poenja itoe koentji djoega, njonja Goud ?“
„Ja, dalem media toeliskoe."
Sasaat lamanja kliatan sorot aneh dalem matanja Clotilde. Apakah itoe ada satoe firasat, satoe pikiran jang timboel dengen mendadak atawakah rasa takoet ?
„Djadi, tida boleh djadi si pemboenoe telah goenaken ini koentji, sebab ia tentoe tida bisa taro itoe koentji kombali di tempanja. Djadi. . ..Akoe poenja akal djadi diam. Akoe tida taoe lagi apa jang akoe moesti pikir. Dan ini rasa djidji, jang selaloe timboel dalem hatikoe, soenggoeh hebat sekali, Clotilde. Siapa pemboenoehnja ajahkoe? Siapa adanja itoe pemboehoeh, sebab Robbert tida boleh djadi.“
„Djanganlah pikir pada perkara perkara begitoe ngeri,
