10
bikin roesak pengidoepankoe. . . . Sekarang, lantaran meliat kaoe poela, loeka loeka jang soeda toea djadi terboeka lagi!... Kaoe boekan anakkoe lagi!.... Kaoe tida lagi djadi gravin Limburgh, jang bereboet dilamar oleh hertog hertog dan graaf graaf... Kaoe soeda serahken kaoe pcenja diri pada satoe badjingan! Pergi. . Disini boekan kaoe poenja tempat lagi!.."
„Ajah, ajahkoe, apakah soenggoe begitoe salah, jang akoe telah menjinta pada Alfred? Apakah soenggoeh tida ada soeatoe apa dalem ini doenia, dengen mana akoe bisa dapet kaoe poenja maaf?...Tapi, dimana adanja iboe? la tentoe aken pikir laen! Dimana adanja iboekoe ?"
Itoe graaf toea djadi goemetar tatkala ia denger, itoe pertanjaan. Satetes aer mata toeroen dipipinja jang poetjet.
„Kasedihan, jang diterbitken oleh anaknja, telah bikin hatinja djadi antjoer," ia menggrendeng.
„Mati ?... Dan akoe djadi sebab dari itoe kematian?... O, Allah, kasianilah, akoe bisa djadi gila. Tida, ajah, tida bisa djadi. Iboe masi idoep!. . Akoe moesti bitjara padanja, moesti berloetoet minta ampoen padanja! Akoe nanti tjeritaken padanja, kasengsaraan apa soeda dipikoel oleh anaknja jang tjila ka!.... Dan ia nanti kasi ampoen... ia poenja hati begitoe baek."
„Ia mengaso. . . dengen santosa!... Bebrapa minggoe, sasoeda kaoe tinggalken kita orang, ia meninggal. Akoe teroes idoep, tapi ramboetkoe soeda djadi poetih".
Clotilde djatoh atas tikar permadani dan toetoepi moekanja sama kadoea tangannja. Samentara itoe graaf djatohken dirinja atas satoe krosi males.
