86
batoe djatoh dari pedati dan tida dipoengoet oleh toekang pedatinja.“
„Areng batoe? Toenggoe doeloe. Akoe dateng.“
„Baek kaoe pergi ambil, mama Van den Broek,“ kata itoe soeara lagi.
Itoe djanda pergi ambil ia poenja tjangkoel dan satoe karoeng toea dan kemoedian pergi ka pintoe moeka, jang ia lantas boeka. Tatkala pintoe soeda diboeka, ia dapet liat saorang berbadan tinggi besar.
„Apa kaoe kenal sama akoe?“ tanja itoe djanda sembari djalan.
„Akoe kenal kaoe poenja laki dan akoe taoe, kaoe ada satoe djanda jang haroes ditoeloeng.“
„Trima kasi!“ kata itoe djanda. „Di mana adanja itoe areng batoe?“
„Kira kira di tengah djalan. Tapi lekas sedikit. Kaloe tida, laen orang nanti ambil.“
Nona Van den Broek tinggal pintoenja terboeka dan pergi ka djoeroesan jang dioendjoeken oleh Henri, sedeng ia ini poera poera pergi ka laen djoeroesan dari itoe djalanan. Sabentar lagi dateng Jim. Doea doea orang lantas ketawa.
„Apa ia soeda pergi?“ Jim menanja. „Apa ia soeda tjoekoep djaoe?“
Henri manggoetken kapalanja Doea orang itoe sekarang soeda berada depan itoe roemah. Marika moesti bekerdja dengen tjepat.
Henri masoek dalem pertengaan roemah itoe. Jim ikoet padanja, sasoeda menoleh sabentar pada itoe prempoean toea jang djalan dengen pelahan.
Tatkala Henri berdiri di depan kamar, ia menoendjoek sama djarinja pada itoe tempat tidoer ketjil dan lantas masoek dalem itoe kamar.
