91
„Ada nona, ada," djawab nona Van den Broek.„Ah, akoe menesal sanget, jang akoe soeda kasi dirikoe ditipoe. Akoe tida bisa merasa senang lagi, biarpoen barang sasaat. Kesian itoe anak... .... Dan kaoe bilang akoe djadi sebab dari ini katjilakaan besar . . . Kamana itoe bangsat soeda bawa itoe anak? . . .Mata jang bagoes dari itoe anak soeda menarik hatikoe . Tapi akoe nanti tjoba boeat dapetken ja poela. Besok pagi, nanti."
Clotilde gojang kapalanja.
„Pertjoema," katanja„Itoe anak tida ada sama itoe koeli lagi. la soeda bawa lari itoe anak atas prentahnja laen orang. Tapi ada lagi satoe djalan dan ini djalan akoe hendak tjoba. Akoe moesti toelis soerat."
Nona Van den Broek taro satoe botol tintah, kertas,pen, enveloppe dan postzegel atas medja. on veh Clotilde doedoek aken lantas toelis soerat pada kolonel Rogers. Esok pagi ja nanti trima ini soerat dan kira kira djam sepoeloe ia bisa dateng pada Clotilde.
Clotilde pertjaja pasti itoe kolonel nanti dateng padanja.
Dengen tangan goemetar ia menoelis ini soerat:
Kolonel.... Tempo hari akoe telah bikin kaoe djadi sedih dan kaoe brangkali djadi marah sama akoe. Tapi apakah akoe bisa berlakoe laen?Akoe tida aken mengganggoe, kaoe poela dengen kasedihankoe, kaoe soeda taoe 'semoea. Sekarang akoe moehoen kaoe poenja pertoeloengan. Kasianlah sama anakkoe jang tadi orang tjoeri. Ia adalah satoe satoenja milik jang akoe masi ada poenja dalem ini doenia. . . . . Ah, kaoe soeda begitoe baek boeat akoe... Djanganlah pertjaja, ba-
