92
hoea akoe ada saorang jang koerang trima, jang tida taoe hargaken katjintaan dan kebaekan.Dalem ini doenia akoe mempoenja tjoema kaoe saorang, pada siapa akoe bisa minta toeloeng. Akoe bersender pada kaoe dengen kapertjajaan jang tida berwates dan akoe nanti selamanja bertrira kasi pada kaoe. Akoe bekerdja seperti prempoean pengawal pada njonja Goud, di mana kaoe bisa ketemoeken akoe. Akoe tida b'sa kasi tinggal anakkoe bersama sama akoe dan dengen hati sanget sedih akoe telah pertjajaken ia pada laen orang. Sekarang terdjadi satoe perkara hebat.... O,toean Rogers, tadi itoe anak ilang. Nona Van den Broek, djandanja satoe stuurman di Southstreet,pergi tjoema bebrapa meniet sadja dari roemahnja dan itoe waktoe orang bawa lari Emma . . . . Satoe koeli parit telah lakoeken itoe pentjoerian Akoe tida taoe socatoe apa tentang itoe koeli, djoega tida tace apa ia soeda bikin sama itoe anak . . . Toeloenglah akoe! Toeloenglah boeat dapetken poela anakkoe! . . . . Ada saorang jang taoe dimana adanja itoe anak . . . . jang sekarang ada dalem kakoeasaannja itoe orang. Besok akoe nanti kasi taoe namanja pada kaoe . . . . . . Datenglah Akoe moehoen kaoe poenja dateng. Kewadjibankoe telah memaksa akoe tampik kaoe poenja lamaran doeloe.
Perhoeboengan antara akoe dan itoe djahanam soeda poetoes. Akoe soeda merdika dan akoe tida ada mengandoeng perasaan laen dari rasa menghina bagi itoe orang, sedeng kaoe akoe hormatin dengen rasa bertrima kasi. Sekarang kaoe soeda taoe semoea, toean Rogers. Djantoengkoe memoe-
