96
tjeritaken, bahoea kaoe telah menikah sama akoe."
„Apa kaoe bilang?" kata Clotilde. „Apa akoe moesti bikin hina dirikoe sendiri? Apa anakkoe moesti djadi satoe anak jang tida ada poenja nama dan apa akoe moesti poengkir ia poenja hak hak?"
la memandang dengen soe ae pada itoe badjingan dan kata lagi:
„Itoelah tida aken kedjadian, selamanja tida!"
„Kaloe begitoe itoe anak tinggal di mana ia sekarang ada dan selamanja kaoe tida aken liat ia poela.“
Mendadak moekanja Clotilde berobah. Satoe poetoesan kedjam kliatan di moekanja.
„Kaloe begitoe kaoe nanti pergi ka pendjara, bangsat! Di sitoe adanja kaoe poenja tempat! katanja sembari menoeding pada Alfred. „Kaoe telah timboelken kabentjian dalem hatikoe, kaoe jang telah bikin ilang sama sakali akoe poenja rasa tjinta. Ja, sekarang kita aken bikin peritoengan sama satoe dengen laen.
Hoofdcommissaris van politie, kolonel Rogers, sabentar dateng di sini. Akoe nanti serahken kaoe padanja. la nanti bawa kaoe pergi“
Alfred ketawa menghina.
„Kaoe poenja antjeman tida bikin akoe djadi takoet,” katanja. „Akoe soeda djaga dirikoe. Kaoe kliroe, kaloe kaoe kira bisa bikin soesah padakoe.”
„Keadilan nanti ada!" djawab Clotilde. „Ini kali kaoe maoe begitoe. Baeklah, akoe nanti boeka kedokmoe, djahanam dan....."
Koetika itoe dateng Marie di depan pintoe, jang ia. boeka dengen pelahan. la memandang pada Clotilde dengen moeka sanget poetjet. la telah denger Clotilde poenja perkataan perkataan.
Altred, jang dapet liat istiinja, lantas hampirken
