101
ranja. „Ia djoega mengatjo tentang pendjara, pemboenoean, pentjoerian . . . .“
„Dan tentoe djoega tentang pencentoetan penoentoetan oleh hakim? Itoe ada satoe perkara loemrah. Seringkali bitjara begitoe kloear dari inoeloetnja orang prempoean jang gila,“ kata Jefferson. „Apa ia ada poenja oewang? Akoe maoe bilang, apa ia bisa bajar ongkosnja ?“
„Ongkosnja dipikoel oleh toean Goud, dokter“, djawab Marie. „Akoe sanget kesian sama ini prempoean. . .“
„Itoe dia!“ kata Alfred.
Orang denger tindakan jang mendatengin. Pintoe diboeka dan Clotilde masoek dengen moeka begitoe bengis, hingga itoe sadja soeda tjoekoep boeat bikin orang pertjaja ia betoel salah ingetan.
„Tadi pagi ia tjoeri akoe poenja soerat soerat,“ Clotilde bertreak sembari menoeding pada Alfred. Lantaran goegoepnja ia sampe tida liat itoe dokter jang memandang padanja dengen teliti. „Sampe tadi pagi itoe soerat soerat ada sama akoe. Akoe simpen itoe dalem badjoekoe. Tadi pagi akoe loepa kasi masoek dalem badjoekoe. . . .“
Mendadak ia diam. la dapet liat itoe dokter.
„Madjoeken kaoe poenja pengadoean pada ini toean,“ kata Alfred sambil menoendjoek pada itoe dokter. „Kita tida ada tempo bocat dengerken kaoe poenja bitjara.“
Sembari kata begitoe, Alfred adjak Marie kloear dari itoe kamar.
„Tinggal disini, djahanam !“ kata Clotilde dan halangin pada Alfred, hingga Marie lompat moendoer dengen kaget.
„Djangan takoet boeat akoe,“ kata Clotilde lagi pada Marie. „Kaoe dapet nasib saroepa akoe, njonja Goud,
