-94-
Ban Boe Tek jang tjerdik, soeda perna denger omongannja achli ilmoe silat laykee, katanja siapa jang bergerak doeloean, itoelah soeda mengasi koetika boewat moesoeh menjerang pada kita, maka paling perloe moesti dengen satjara passwee menjerang pada moesoeh jang bergerak. Oleh kerena itoe djoega, ia lantas berkata:
„Tida, akoe selamanja tida perna menjerang orang lebi doeloe, kerna akoe ada seorang pelantjongan jang tjoema maoe membela diri dari serangannja orang laen."
„Ha ha ha! kaoe ini sesoenggoenja tjerdik sekali," kata itoe kapala begäl; „tapi tida mendjadt apa, akoe tida takoet méngasi koetika boewat diserang orang pada waktoe akoe bergerak doeloean, sebab orang jang ilmoe silatnja tinggi, selamanja bisa mentjari kemenangan dalem bahaja kekalahan jang mengantjam.,,
Sahabisnja berkata begitoe ia lantas menjaboet goloknja dari blakangnja, dan teroes menjdrang pada Ban Boe Tek dengen tipoe kauw liong-tjoet tong, dan itoe anak moeda lantas lompat menjamping boewat menjikir dari itoe serangan,dan berbareng dengeh itoe lantas membales menjerang dengen satoe tipoe tianma-poèn tjwan. Tapi itôè kapala begal sama sekali tida menakis, malah tida berkelip, peda waktoe goloknja Ban Boe Tek maoe sampe, koenjoeng-koenjoeng ia lontjat ka blakangnja itoe anak moeda, hingga Ban Boe Tek poenja batjokan djadi mengenaken angin, baroe sadja ia maoe balikin badannja. ia rasakan satoe tangan menepok dengen perlahan pada poendaknja.
„Akoe ada di sini!" kata satoe soewara.
Tapi pada waktoè Ban Bôe Tek balikin badannja, ia tjoema liat satoe bajàngan jang berkelebat di atasan kapalanja, tapi ia poenja lawanan tida ada di sitoe.
