-98-
anggap saorang jang lengannja sabelah pata dan bidji mata pitjak, sama sekali tida ada goenanja hidoep lebih lama dalam ini doenia. Begitoe ia toelisken dalam soeratnja jang ia toelis pada sebelonnja memboenoeh diri
Sasoedanja Thio Eng Kim mati, Thio Kioe Nio tida soeka teroesken itoe pakerdjahan membegal di Liansan, hanja adjak soewami pergi mentjari goeroe silat jang pande, soepaja kamoedian bisa bikin pembalesan pada itoe orang toewa jang halisnja pandjang, maka sasoedanja koeboer niaitnja iapoenja ajah, laloe boebarken semoewa liauwlo dengen dikasi masing-masing sadjoembla oewang boewat pokonja marika poenja penghidoepan di hari kamoedian. Sedang itoe roemah-roemah di atas itoe goenoeng, laloe dibakar, soepaja kamoedian tida bisa dipake oleh laen orang.
Dari Liansan itoe soewami istri balik poelang doeloe ka Samsoei boewat tengokin Ban Boe Tek poenja iboe dan ajah; tapi ternjata marika itoe soeda lama meninggal doenia, sedang harta bandanja poen sotda loedes. Oleh kerna itoe djoega iaorang terpaksa menjewa roemah tinggal. Dengen perlahan Ban Boe Tek bergaoelan lagi sama iapoenja bekas kontjokontjo lawas, hingga achirnja ia mendjadi djago dan kapala boewaja di Samsoei.
Blakangan koetika ia dateng ka kongtjioe. Ban Boe Tek berkenalan sama Tjhio Tjoe Boen, dasaran manoesia jang batinnja sama bedjatnja, dengen lantas iaorang djadi begitoe tjotjok satoe dengen laen, hingga iaorang mengangkat soedara; sateroesnja iaorang poenja perhoeboengan ada begiloe rapat satoe dengen laen, hingga dalem waktoe blakangan Tjhio Tjoe Boen minta pada Ban Boe Tek boewat mengoempoelken orang orang gaga boewat mendjadi iapoenja „po kee-
