-102-
ilmoe silat ada lebih rendah dari itoe anak moeda, Tjhio Tjoe Boen lantas manggoet manggoetken kapalanja sembari berpikir. Ia lantas merasa bahoewa Kioe Nio poenja toedoehan boekannja sama sekali tida beralesan, sebab ternjata terang sekali Biauw Seng Liong boekannja saorang djahat, hingga tida bisa djadi ia maoe berkontjo pada Ban boe lek dalem kadjahatan, dengen firasat ia mendoega kaloe Biauw Seng Liong sabetoelnja maoe memboedjoek soepaia Ban Boe Tek mendjadi saorang baek, makanja ia sengadja bersobat pada ia itoe.
„Akoe satoedjoe boewat menoenggoe sampe kita bisa liat boektinja apa toewan Biauw bersetia pada kita poenja fihak atawa poen mengambil fihak pada kita poenja moesoeh-moesoeh," kata ia achir-achirnja dengen menjimpang dari iapoenja pikiran jang sabetoelnja; „sebab kaloe menoedoeh orang dengen zonder alesan jang koewat, itoe memang tida baek, Kerna achirnja bisa membikin orang jang memangnja setia djadi berbalik berhianat."
„Tapi sekarang apa jang kita moesti berboewat terhadep pada itoe kawanan hiapkek?" menanja Phoa Boe Liang. „Sedang soedara Tjoe Boen jang melolosken diri dari pendjara, akoe rasa tentoe aken dikasi taoe oleh itoe kawanan hiapkek pada tjongtok, maka ini hal moesti diatoer lebih doeloe bagimana baeknja "
„Boewat akoe poenja oeroesan, sabagitoe lekas soeda bisa merdikaken diri dari pendjara tida oesa terlaloe di'iboekin," kata Tjhio Tjoe Boen; „tapi akoe sangat koewatir kaloe tjongtok aken ambil tindakan keras terhadep pada akoe poenja koelawarga atawa poen beslag akoe poenja harta banda, maka menoeroet akoe poenja pikiran, sekarang dengen salekasnja
