-105-
bantoe pada fihak jang bersalah. Maka pada waktoe itoe kawanan hiapkek soeda beraloe dari kantoornja liat tay, dan Ban Boe Tek bersama jang laein-laennja tida mengedjar, di loear orang banjak poenja perhatian ia sendiri pergi menjoesoel pada itoe kawanan tetamoe malem.
Biauw Seng Liong menjoesoel ka djoaroesan ka mana itoe kawanan tetamoe malem soeda lari, tapi lamaran soeda katinggalan djaoe djoega, ia tida bisa liat a tawa poen soesoel pada marika itoe, hingga ia djadi bingöeng dan tida taoe moesti menjoesoel lebih djaoe ka djoeroasan mana. Tapi lantaran masi penasalan ia tida maoe lantas balik poelang ka kantoornja Phoa Boe Liang, hanja berdjalan dengen sakena-kenanja dengen sekena-kenanja. Dengan kabetoelan sekali ia sampe di deketnja itoe lio roesak, Bermoela ia sama sekali tida ada sangkahan apa-apa, tapi mendadak iapoenja mata jang tjeli seperti dapat liat satoe bajangan itam jang maoe kaloewar dari itoe lio, koenjoeng-koenjoeng balik masoek lagi ka dalem, entah lantaran dapet liat padanja atawa laen sebab lagi. Oleh kerna itoe djoega ia djadi timboel katjoerigahan, dan madjoe menjamperin pada itoe lio roesak.
"Siapa di sitoe?' menanja ia dengen soewara sedikit keras.
„Kaoe sendiri siapa dan maoe apa menanjaken padakoe?" berbalik menanja satoe soewara dari dalem itoe lio roesak.
„Akoe Biauw Seng Liong, moeridnja soehoe Ong Tjeng Hong dari Kangsay," saoet itoe anak moeda, „jang djoestroe bikin perdjalanan boewat menambahken pengatalîoean dan pengalaman. Makanjaakoe maoe menanjaken pada kaoe, dari sebab akoe djoestroe mentjari pada itoe kawanan hiapkek jang baroesan
