-106-
dateng menjatronin ka kantoornja liat-tay, kerna akoe ada omongan jang penting maoe dibitjaraken pada iaorang."
„Moeridnja Ong Tjeng Hong soesiok dari Kang say?" kata satoe soewara dan berbareng dengen itoe kaloewar satoe orang jang memake kedok belang itam poetih, ramboet dan brewok palsoe Tapi akoe kenalin kaoe sabagi sala satoe dari itoe pahlawan jang membelaken pada itoe ambtenaar kaparat, soenggoe katjiwa sekali djika satoe moerid dari Ong Tjeng Hong soesiok maoe mendjadi pekakasaja kawanan manoesia boesoek."
„Djoestroe dari sebab itoe djoega maka sekarang akoe dateng katemoeken pada kaoe orang, saoet Biauw Seng Liong, „kerna akoe poen mendoega jang kaoe orang ada dari satoe golongan sama akoe."
„Tapi mengapa kaoe berfihak pada itoe kawanan manoesia boesoek?" menanja lagi Tan Kong Liat, kerna itoe orang jang kaloear poen boekan laen dari ia itoe.
Biauw Seng Liong laloe loetoerken iapoenja perhoeboengan sama Ban Boe lek, dan kasi taoe djoega maksoednja iapoenja perhoeboengan jang sabetoelnja maoe bikin soepaja ia itoe berbalik mendjadi orang baek, tapi sekarang ia moelai mendapat kanjatahan bahoewa iapoenja maksoed aken sia sia sadja, kerna Ban Boe Tek tida bisa diboedjoek boewat mendjadi baek, dan sekarang ia bermaksoed maoe berkenalan pada Kong Liat dan kswan-kawannja, sedang djika tida ditampik ia poen bersedia boewat membantoe, tjoema lebih doeloe ia ingin taoe terang bagimana doedoeknja perkara.
Tan Kong Liat sekali poen oemoennja masi moeda, tapi pikirannja pandjang, dan tida maoe gampang
