-110-
„Akoe sekali poen tida bisa mendoega begitoe djaoe, bahoewa kaoe ada orang dari satoe tjabang sama akoe," saoet Biauw Seng Liong dengen goembirah, „tapi akoe soeda menjangka jang kaoe ada saorang djoedjoer dan adil, tentoe sekali tida nanti maoe berfihak pada itoe kawanan manoesia boesoek. Samalem pada sasoedanja akoe balik poelang dari sini, sabetoelnja akoe poen berniat boewat bitjara dengen ampat mata sama kaoe; tapi sajang pada waktoe akoe balik poelang ka kantoornja Phoa Boe Liang kaoe dan laen-laennja soeda tida ada di sana. Sekarang soekoer sekali soetee soeda dateng katemoeken pada koe, hingga akoe bisa mendapat kapastian jang kita bisa bakerdja sama-sama; tapi dengen maksoed apa kaoe disoeroe dateng katemoeken pada Phoe Boe Liang?"
Dari sebab tadi siang Tan Kian Wie tayswee telah prentahken pasoekan politie pergi menangkap pada Tjhio Tjoe Boen, dan ini orang soeda tentoe sadja tida bisa dikattmoeken di Sip lie-toen, lantaran soeda menpoepat di Hong-tho tjoen, hingga iapoenja harta milik sadja lantas dibeslag sebagi satoe tanggoengan," kata Bang Tay Loei, „roepanja lantaran ini djoega soeda membikin djengkel pada Tjhio Tjoe Boen, hingga ia ambil poetoesan boewat soeroean Ban Boe Tek, Thio Kioe Nio, 0ng Hoei Houw, dan akoe pergi memboenoeh pada itoe ambtenaar tinggi malah ia sendiri poen maoe toeroet toeroen tangan, tjoema ia maoe menanjaken pikirannja iapoenja tjihoe, maka ia soeroean akoe membawa satoe soerat pada Phoa Boe Liang; tapi pada sabelonnja akoe bisa bertemoe sama itoe liat-tay soeda katemoe doeloe sama soeheng, hingga itoe soerat masi berada dalem akoe poenja tangan."
