-112-
„Akoe moesti merasa sangat bersoekoer jang ka doewa toewan soeda begitoe baek hati, berdiri di atas kaadilan dan menoelak kadjahatan, hingga akoe poenja ajah bisa terloepoet dari bahaja, atawa sedikitnja bisa taoe itoe bahaja bakal dateng hingga bisa dibikin pendjagahan terlebih doeloe," kata Kong Liat dengen tida terdoega; „boewat mana akoe haroes hatoerken banjak-banjak trima kasih pada kaoe orang berdoewa, teroetama pada toewan ini jang akoe baroe katemoeken pada ini malem."
Biauw Seng Liong dan Bang Tay Loei marendah dan menoelak itoe penghatoeran trima kasi, kamoedian jang terseboet doeloean perkenalken she dan namanja jang terseboet blakangan; tapi iaorang menjataken tida begitoe mengarti maksoed omongannja Kong Liat, tjara bagimana iaorang soeda bisa meloe poetken bahaja jang akea menimpa pada Kong Liat poenja ajah.
„Deugen teroes terang akoe maoe kasî taoe pada toewan berdoewa bahoewa tjongtok jang sekarang ada akoe poenja ajah," kata Kong Liat dengen sabar, „dan itoe orang jang sekarang mendjaga di moeloet pintoe ada akoe poenja ade, akoe bernama Kong Liat dan ade'koe Boe Lat."
„Oh! kiranja kita berhadepan pada doewa kongtjoe dari satoe ambtenaar tinggi," kata Seng Liong dan Tay Loei dengen berbareng sembari berbangkit dan masing-masing poenja tempat doedoek dan mengangkat kadoewa tangannja memberi hormat pada Kong Liat, „hingga baroesan, lantaran tida taoe, kita soeda berlakoe koerang hormat, harap sadja kadoewa kongtjoe soeka maafken "
„ Hahaha! kaloe toewan toewan memake itoe adat kabiasahan, sasoenggoenja akoe merasa menjesal
