-113-
soeda maoe memboeka ini resia, kerna akoe kiraken toewan berdoewa ada eng-hiong jang sama sekali tida memandang deradjat atawa poen kabesaran, makanja derigen tida bersangsi lagi akoe soeda kasi taoe akoe poenja kadoedoekan jang sedjati tapi, saoepamanja toewan-toewan teroes memake itoe matjem adat kabiasahan, itoelah artinja pandang kita berdoewa sabagi orang-orang jang tida berharga boewat mendjadi kadoewa toewan poenja sobat."
„Nah, kaloe toewan kata begitoe," saoet Seng Liong, baeklah, kita berlakoe sadja sabagimana sobat jang kekal dan tida memandang deradjat."
„ltoelah memang ada hal jang akoe paling soeka kata Kong Liat dengen tjepat. „ Di antara orang-orang jang seperti kita, tida ada deradjat tida ada kaja atawa miskin, semoewanja sama rata sadja, dan jang dipake oekoeran malaenken kabedjikan dan kadjoedjoeran; tida perdoeli berderadjat tinggi atawa poen hartawan besar, tapi kaloe djahat dan tida djoedjoer, sama sekali tida berharga sapeser boeta.
„Akoe baroe pertama kali mendeger saorang jang dari deradjat tinggi bisa oetjapken itoe matjem perkatahan," kata Bang Tay Loei; dan toewan ini sasoenggoenja ada satoe eng hiong, satoe eng hiong sedjati jang djararg bisa terdapat di antara orang-orang dari kalangan tinggi, hingga dengen satoeloesnja hati sekarang akoe menjataken bahoewa akoe soeka sekali mendjadi toewan berdoewa soedara poenja sobat jang setia sampe di lobang koeboer.
Begitoe poen akoe, kata Biauw Seng Liong, sembari sodorken sabelah tangannja menjekel tangannja Kong Liat dengen keras. Blakangan Boe Liat poen dateng menjamperin dan menjataken bahoewa ia poen beranggapan sabagimana iapoenja engko.
