-115-
Lian Eng berpaling pada Lee Na sabagi djoega maoe menanjaken itoe soedara misan poenja pikiran, tapi ia itoe golengken kapalanja sedikit, hal mana semoewanja terdjadi dengen tjepat dan tida kentara, hingga tjoema Seng Liong sendiri sadja jang dapat liat itoe semoewa gerakan. Sebab koetika moelai bertempoer di dalem kantoornja Phoa Boe Liang, ia soeda merasa tjoeriga kaloe sala satoe dari itoe tetamoe malem jang memake kedok itam ada satoe prampoewan, kerna gerakannja ada begitoe haloes dan elo, teroetama ia perhatiken iapoenja pinggang jang gerakannja sabagi daon lioe jang katioep angin. Sekarang iapoenja doegahan djadi samingkin kertas.
„Akoe she Yo dan bernama Lian Koei„, saoet Lian Eng dengen tida teroes terang," Sedang inj Lodji ada akoe poenja ade dan bernama Lioe Boen; Lo-sam, Lo-soe dan Lo-ngo ada kita poenja soedära misan, dan masing-masing bernama Ong Kim Kay, Ong Gin Kay dan Ong Giok Kay. Kita semoewa tinggal di Po sian-kee, jang terletak di sabelah dalemnja pintoe kota barat"
Ini semoewa katerangan jang menjimpang, disebabken Lian Eng dan Lee-Na tida maoe kasi taoe dengen teroes terang bahoewa iaorang ada bangsa prampoewan, sebab kaloe soeda kataoean iaorang ada bangsa prampoean; nistjaja iaorang merasa kikoek boewat bakerdja sama-sama lagi sama itoe orang lelaki jang sama sekali tida dikenal. Semoewa orang maoe pertjaja itoe katerangan, katjoewali Biauw Seng Liong sendiri jang teroes merasa tjoeriga. Tapi dari sebab itoe hal tida penting dan masi ada laen oeroesan jang terlebih penting moesti dibitjaraken, maka ia poen tida maoe tjampoer moeloet dalem itoe oeroesan,
