-116-
"Sekarang apa jang kita moesti berboeat terhadep pada Tjhio Tjoe Boen, jang lelah berniat memboenoeh pada ajahkoe?" menanja Kong Liat. „Sedang ini soeratnja Tjhio Tjoe Boen boewat Pnoa Boe Liang, apa moesti disampeken pada adresnja?„
"Kaloe menoeroet akoe poenja pikiran,"kata Lian Eng, "semoewanja tida perloe dipikirken, hanja sekarang djoega kita brangkat ka Hong-tho tjoen pergi tangkap Tjhio Tjoe Boen dan kambrat-kambratnja, oleh kerna itoe kita ada mempoenjai itoe boekti soerat jang menerangken Tjhio Tjoe Boen poenja maksoed djahat terhadep pada Tan tayswee, dengen gampang sadja kita bisa pasrahken itoe semoewa pendjahat pada pembesar negri boewat dipreksa dan dihoekoem sebagimana moestinja,"
"Itoelah ada pikiran jang bagoes sekali!" berseroeh Kong Liat. "Marilah sekarang djoega kita lantas brangkat ka Hong tho tjoen, dan toewan Bang aken mendjadi kita poenja pengoendjoek djalan,"
"Nanti doeloe," kata Lee Na; kita moesti taoe pasti bagimana boenjinja itoe soeratnja Tjhio Tjoe Boen boewat Phoa Boe Liang, baroelah kamoedian kita tida katjele."
„Ini omongan poen betoel sekali," kata Kong Liat, sembari berpaling pada Bang Tay Loei ia menambahken: „Toewan Bang, tjoba kasiken itoe soerat padakoe boewat dipreksa boenjinja."
Bang Tay Loei kaloewarkeii satoe soerat dari sakoe badjoe dalem, kamoedian trimaken itoe soerat pada Kong Liat, jang lantas sobek envolopnja sembari menjalaken tjian-lie-hwee, dan di bawah panerangnja itoe api ia batja boenjinja itoe soerat seperti berikoet:
