-118-
Boewat djangan menerbitken katjoetigahan, Bang; Tay Loei jang djalan doeloean sendiri, kamoedian lompat toeroen ka latarannja satoe roewangan di mana Tjhio Tjoe Boen bersama Ban Boe Tek, Thio Kioe Nio dan Ong Hoei Houw masi menoenggoein balik poelangnja Bang Tay Loei bersama itoe soerat balesannja dari Phoa Boe Liang.
„Toe ,pa dianja soeda dateng," kata Ban Boe lek dengen girang; itoe waktoe Bang Tay Loei poen soeda masoek ka itoe roewangan, maka ia berpaling pada ianja sembari menambahken: „Baroesan Tjhio hiantee soeda moelai koewatir lantaran kaoe pergi begitoe lama masi beton balik kombali, dan niatan soeroean akoe pergi menjoesoel; tapi sekarang tida perloe, sebab kaoe soeda daleng. Bagimana mana soerat balesanja.?
Bang Tay Loei berlaga merogo sakoe badjoe dalemnja, tapi mendadak ia oendjoek roepa kaget sembari berseroeh: „Wah! tjtlaka besar! itoe soerat soeda ilang."
Semoewa orang jang berada di sitoe djadi sangat terkedjoet, teroetama Tjhio Tjoe Boen, hingga tinggal kamekmek dengen tida bisa berkata satoe pata perKatahan. Djoestroe semoewa orang masi belon ilang kagetnja, mendadak dari atas genteng ada lomtjat. toeroen ampir dengen berbareng delapan orang jang semoewa dalem pakean peranti djafan malem, sedang loedjoe di antaranja memake djenggot dan romannja tida karoewan matjem, tida berbeda sabagi djoega setan pedjadjaran. Tapi Tjhio Tjoe Boen, Ban Boe Tek, Thio Kioe Nio, dan Ong Hoei Houw dengen lantas kenalin marika itoe boekan laen dari itoe kawanan tetamoe malem jang iaorang katemoeken dan bertempoer di dalem kantoornja Boe Liang!
