-119-
Ban Boe Tek dengen lantas mengaloewarken satoe treakan goesar, kerna sekarang ia mengarti doedoeknja perkara bahoewa Bang Tay Loei poen berhianat sabagimana Biauw Seng Liong, jang tadinja ia masi belon maoe pertjaja. Laloe ia sembat satoe korsi dan lemparken dengen sengit ka djoeroesannja Bang Tay Loei, tapi ia ini dengen mesern lompat minggir sembari menjaboet goloknja.
Itoe waktoe itoe delapan orang jang baroe lompat toeroen soeda masoek ka dalem itoe roewangan dengen sendjata terhoenoes di masing-masing poenjatangan, dengen tida banjak bitjara lagi iaorang mengoeroeng pada itoe ampat pendjahat, jang semoewanja tida bersendjata, kerna iaorang tida mendoega barang sedikit bakal diserang dengen mendadak satjara begiîoe.
Oleh kerna itoe djoega, semoewanja pada menjembat satoe korsi, jang d goenaken boewat gegaman, oleh kerna semoewa korsi terbikin dari kajoe merah jang sangat koewat, hingga tida gampang dibikin koetoeng oleh sendjata tadjam, maka dalem bebrapa lamanja iaorang bisa melawan teroes dengen seroeh Sedang Tjhio Tjoe Boen tida brentinja berseroeh dengen keras memanggil pada iapoenja orang orang soepaja dateng membantoe.
„Pemboenoeh! perampok! hajo, kaoe orang lekas dateng menoeloeng ka sini!" Tjhio Tjoe Boen memang ada memiara bebrapa toekang popio dan bebrapa banjak toekang-toekang poekoel boewat mendjadi iapoenja pelindoeng, jang soeda tentoe sadja ampir semoe wanja terdiri dari badjingan dan boewaja. Dalem sakedjapan mata sadja ada bebrapa poeloeh orang jang menerobos masoek ka dalem iloe roewangan dengen membawa berbagi-bagi matjem sendjata, seperti golok,
