-121-
Di laen fihak, Ong Hoei Houw poen boekan tandingannja Ong Giok Kay, jang sekali poen masi moeda sekali, toch ilmoe silatnja ada sampe tinggi, biar poen begitoe, adalah Biauw Seng Liong jang pertama kali roeboehken iapoenja lawanan dengen satoe tipoe Tjeng Liong-tam-djiauw, satoe toesoekan djitoe jang mengenaken Tjhio Tjoe Boen poenja poendak kiri, hingga oeratnja poetoes dan roeboeh ka moeka boemi, tapi loekanja tida aken membahajaken djiwanja
Meliat Biauw Seng Liong soeda bisa roeboehken iapoenja lawanan, Giok Kay poen dengen mendadak robah iapoenja tjara bersilat, hingga iapoenja golok bakerdja sabagi titiran tjepatnja, dan dengen satoe tipoe pek tjoa-touw-sin, ia toesoekin oedjoeng goloknja ka djoeroesan lehernja Ong Hoei Houw, jang boeroe-boeroe goenaken tipoe djoe yan-soe-tjo lompat ka samping, tapi inilah djoestoe jang diinginken oleh Giok Kay. jang boeroe-boeroe tarik poelaiig ia poenja golok dan diroba mendjadi lipoe pek-houw-tjwan-sin, itoe golok menjamber ka djoeroesan lengen kanannja Ong Hoei Houw jang itoe waktoe lompat ka iapoenja sabelah kanan, biar poen sabisa-bisanja Ong Hoei Houw maoe loepoetken dirinja dari itoe serangan, toch iapoenja lengan kena djoega diloekain hingga goloknja terlepas dari tangannja, dan Giok Kay dengen katjepetan saperti kilat, madjoe satoe tindak dan kasiken lawannannja satoe tendangan keras pada pahanja itoe pendjahat, jang lantas djato meloso ka moeka boemi dengen moekanja tersotsot, hingga boewat bebrapa lamanja ia tinggal pangsan, dan koetika ia sedar kombali ternjata ia soeda diringkoes sebagi djoega satoe babi jang maoe disembeleh.
Ampir dengen berbareng Kong Liat dan Lian Eng bisa roeboehken marika poenja lawan lawanan. Kong
